Ազգային, բակային,ծիսական խաղեր – նախագիծ

Նպատակ

ազգային մշակույթի յուրացում, փոխանցում

Տարիքային խումբ

3 — 15 տարեկան երեխաներ (որոշ դեպքերում՝ ավելի մեծեր)

Խնդիրներ

«Ազգային ծեսերին, խաղերին, երգերին՝ նոր կյանք» նախագծով հավաքագրված նյութերից առանձնացնել ազգային, բակային, մանկական, ծիսական խաղեր, խաղիկներ

խաղալ սաների, սովորողների հետ՝ նախակրթարանում, դպրոցում, ուսումնական ճամբարում, ընտանիքում, բակում

ընտրել այն ազգային, բակային, մանկական, ծիսական խաղեր, խաղիկները, որոնք կարող են կատարել 3 — 15 տարեկան երեխաները (որոշ դեպքերում՝ տարիքով մեծերը): Դրանցից հաջողվածները կարող են դառնալ ուսումնական նյութ, որոնք էլ կխաղան համապատասխան տարիքային խմբի սաները, սովորողները:

Ընթացքը

Ընտրած նյութերը խմբավորել, ուսումնասիրել, տարբեր տարիքային խմբերի հետ խաղալ: Փորձի հիման վրա որոշել՝ տվյալ խաղը որ տարիքային խմբերը կարող են կատարել:

Տեսագրել, ձայնագրել, գրառել, պատրաստել տեսանյութ, որոնք հետագայում կծառայեն որպես ազգագրական նյութեր ոչ միայն կրթահամալիրի, այլև ազգի մշակույթը պահող, պահպանող, ազգային արժեքներն իմացողների, սերունդների համար:

Աշխատանքների ծավալը և ժամանակացույցը

Աշխատանքն անժամկետ է: Փուլ առ փուլ կներկայացվեն ստացված արդյունքները: Ծավալը՝ կախված է առկա նյութի քանակից:

Արդյունք

Ուսումնական փաթեթներ՝ նկարագրություններ, տեսագրություններ, ձայնագրություններ:

Հոլախաղն՝ըստ Արփիի